西藏文化旅游创意园区关于文成大道施工通告

གུས་པར་འོས་པའི་རྒྱ་ཆེའི་གྲོང་མི་གྲོགས་པོ་རྣམ་པ།

   ལྗོངས་ཏང་ཨུད་དང་སྲིད་གཞུང་གི་ཡུལ་སྐོར་ཁུལ་ཁོངས་ཡོངས་ཀྱི་ཡུལ་སྐོར་ལས་དོན་སྐོར་གྱི་འཐབ་ཇུས་བཀོད་སྒྲིག་ལག་ལེན་དོན་འཁྱོལ་གཏིང་ཟབ་དང་རིག་གཏོད་ཁུལ་གྱི་རིག་གནས་ཡུལ་སྐོར་ཁྲོམ་རའི་རྨང་གཞིའི་སྒྲིག་བཀོད་སྔར་བས་མཐོར་འདེགས་གཏོང་ཕྱིར་ད་ལྟ་རིག་གཏོད་ཁུལ་དོ་དམ་ཨུ་ལྷན་གྱིས་འུན་ཤིང་ལམ་ཆེན（ལྷོ་བསྐོར་ལམ་ཐིག་འཛུལ་སྒོ་ནས་ཉེན་དོན་ས་ཚིགས་བར）དང་།  བུམ་པ་རི་ལམ（ཐེན་ལིས་ཐང་ཆེན་ནས་འུན་ཤིང་ཀོང་ཇོའི་འཁྲབ་སྟོན་ཁང་གི་འཁོར་རིགས་འཇོག་ས་གཉིས་པའི་བར་ལ་）ཁྱོན་ཡོངས་ནས་སྒྱུར་བཟོ་རྒྱས་སྐྲུན་དང་འཁོར་ལམ་གྲངས་ཚད་མང་དུ་གཏང་སྟེ་རྒྱ་ཆེའི་གྲོང་མི་རྣམ་པའི་ཉིན་རེ་བཞིན་ཇེ་མཐོར་འགྲོ་བའི་འགྲོ་བསྐྱོད་ཀྱི་དགོས་མཁོ་སྐོང་རྒྱུ་ཡིན།  ཨར་སྐྲུན་རིང་ང་ཚོས་འགྲོ་ལམ་ཕྱེད་བཀག་དང་། སྐབས་འཕྲལ་གྱི་གྱང་སྐོར་བཟོ་བ།ཕྱོགས་རྐྱང་པའི་འགྲོ་བསྐྱོད་སོགས་ཀྱི་བྱ་ཐབས་སྤེལ་རྒྱུ་ཡིན་པས་ཞིབ་ཕྲིའི་བརྡ་ཁྱབ་གཤམ་གསལ་ལྟར།

   གཅིག གོང་གསལ་གྱི་འགྲོ་ལམ་ལ་༢༠༢༤ལོའི་ཟླ་༧པའི་ཚེས་༡༧ཉིན་ནས་བཟུང་ལམ་ཕྱེད་བཀག་གི་ཨར་སྐྲུན་ལས་འགོ་འཛུགས་རྒྱུ་ཡིན།   ལས་ཡུན་ཟླ་བ་གཉིས་ཡིན།   

   གཉིས། ཨར་སྐྲུན་རིང་འགྲོ་འོང་བྱེད་མཁན་འཁོར་རིགས་ཀྱིས་བདེ་འཇགས་ལ་ཡིད་གཟབ་དང་།འགྲིམ་འགྲུལ་བརྡ་རྟགས་གློག་སྒྲོན།  དེ་བཞིན་ས་ཡུལ་དངོས་ཀྱི་བཀོད་འདོམས་མི་སྣའི་ཁྲིད་སྟོན་བཅས་ལ་ཉན་དགོས།

   གསུམ། ཨར་སྐྲུན་རིང་ར་ཁུལ་གྱི་འགྲོ་འོང་ལམ་ཐིག་ནི་ཧུང་ཧྭ་ཐང་ཆེན་གྱི་བྱང་ངོས་ཀྱི་སྐབས་འཕྲལ་འགྲོ་ལམ་གྱི་བྱང་ནས་ལྷོ་བར་ཕྱོགས་རྐྱང་པའི་འགྲོ་ལམ་རྒྱུད་དེ་ར་ཁུལ་ནང་འཛུལ་རྒྱུ་དང་། འུན་ཤིང་ལམ་ཆེན་ལྷོ་ངོས་ནས་བྱང་ངོས་ཀྱི་ཕྱོགས་རྐྱང་པའི་འགྲོ་ལམ་ནས་ར་ཁུལ་གྱི་ཕྱིར་ཐོན་རྒྱུ།  （དཔེ་རིས་མཛུབ་སྟོན་ལྟར）

   བཞི། འགྲོ་ལམ་བཟོ་སྐྲུན་གྱིས་རྐྱེན་པས་རྒྱ་ཆེའི་གྲོང་མི་རྣམ་ལ་སྟབས་བདེ་མེད་པས་དགོངས་སེལ་ཡོད་པ་མཁྱེན།  ཆབས་གཅིག་ཁྱེད་ཀྱིས་དགོངས་བཞེས་དང་གཞོགས་འདེགས་གནང་བར་ཐུགས་རྗེ་ཆེ་ཞུ་རྒྱུ་དང་བཅས།

   ལྔ་།  ཨར་སྐྲུན་ལས་འགོའི་དུས་ཚོད་འགྱུར་བ་བྱུང་ཚེ་བརྡ་ཁྱབ་གསར་པ་སྤེལ་རྒྱུ་ཡིན།

   དམིགས་སུ་བརྡ་ཁྱབ་འདི་བཏང་།

                     བོད་ལྗོངས་རིག་གནས་ཡུལ་སྐོར་བློ་གསར་གླིང་དོ་དམ་ཨུ་ཡོན་ལྷན་ཁང།

                             ༢༠༢༤ ལོའི་ཟླ་༧པའི་ཚེས་༡༣ ཉིན་་

ཁྲིམས་ལྟར་ཡིག་སྐུར་ངོ་བཅར།   ལུགས་མཐུན་གྱི་རེ་ཞུ།